Қазақстанда құрылыс нормативтері цифрландырылады
Қазақстанда алғаш рет құрылыстағы цифрлық нормативтік-техникалық құжаттар қоры құрылады, сәулет-қала құрылысы каталогы машинамен оқылатын форматқа көшіріледі.
Нормативтік құжаттарды цифрлау-құрылыс саласын цифрландыру бағдарламасының кезеңдерінің бірі, ол Ақпараттық модельдеу технологиясын (ҚОАМТ) енгізу бағдарламасымен қатар жүреді.
Нормативтік құжаттарды цифрлау ақпараттық модельдерді автоматтандырылған режимде жобалау шешімдердің техникалық қауіпсіздік талаптарына тексеруге мүмкіндік береді, бұл апаттар қаупін азайтады, әртүрлі сараптамалардың жұмысын автоматтандыруға мүмкіндік береді және жобалардың сапасына және олардың құнын есептеуге оң әсер етеді.
Бүгінгі күні Қазақ құрылыс және сәулет ғылыми-зерттеу және жобалау институты («ҚазҚСҒЗИ» АҚ) жобалауда ең жиі қолданылатын 40-қа жуық мемлекеттік нормативтерді цифрлау бойынша негізгі жұмыстарды орындады.
Бұл жұмыстың алдында өткен жылы машинамен оқылатын заңнама саласындағы алдыңғы қатарлы әлемдік тәжірибені зерттеу бойынша ғылыми-зерттеу жұмыстары жүргізілді, оның нәтижелері бойынша стандарттардың талаптарын цифрлық түрге ауыстыру бойынша тиісті әдістемелік ұсынымдар әзірленді. Нормативтерді цифрлау жобасы аясында 500-ге жуық нормативтік құжаттарды цифрлық талаптар форматына көшіру жоспарлануда.
Бұдан басқа, нормативтерді цифрлау жобасын іске асыру шеңберінде сәулет-қала құрылысы каталогына енгізілген 1566 нормативтік техникалық құжаттарда қамтылған құрылыс терминдерінің тізбесін қалыптастыру жүзеге асырылатын цифрлық тезаурус-құрылыс саласының бірыңғай сөздігі әзірленді.
Осы жұмыс шеңберінде, сондай-ақ қолданыстағы нормативтік база ішіндегі ықтимал коллизиялар оларды кейіннен жою үшін анықталатын болады. Цифрлық тезаурусты қалыптастыру бойынша жұмыс ағымдағы жылдың соңына дейін аяқталады.