Чех Республикасының аймақтары Қазақстанмен ынтымақтастықты нығайтуға ниетті
2016 ж. 20 сәуірде Қазақстанның Чехиядағы Елшісі Сержан Әбдікәрімов Оңтүстік-Чехия өлкесінің гейтманы (әкімі) Йиржи Зимоланың шақыруымен Чешское Будеёвице облыс астанасына сапармен барды.
Сапар барысында мемлекет өңірлерімен сауда-экономикалық қарым-қатынастарды тереңдету жұмыстары, чех бизнесі, технология және инвестицияларды Қазақстанға тарту мақсаттары жалғасын тапты.
С. Әбдікәрімов кездесу барысында Қазақстан мен Чехия арасындағы екіжақты серпінді дамудың саяси, экономикалық және гуманитарлық қарым-қатынастардың құрылымы жайлы, «Қазақстанның ұзақ мерзімді стратегиясын жаңғырту негізінде «Нұрлы жол» бағдарламасы және «Бес институционалдық реформаларды жүзеге асыру үшін 100 нақты қадам» Ұлт жоспарын, Астана «ЭКСПО-2017» халықаралық мамандандырылған көрмесіне дайындық туралы әңгімеледі.
Оңтүстік-Чехия өлкесінің әкімі ауданның экономикалық дамуы мен әлеуеті туралы мәлімдеді және өзара тиімді бизнес-жобаларды жүзеге асыру үшін Қазақстанныңаймақтарымен ынтымақтастық орнатуға мүдделілік білдірді.
Сапар шеңберінде С. Әбдікәрімов Липен облыс әкімдері мен кәсіпкерлерінің қатысуымен, Липендық муниципалитеттер одағының төрағасы және Лоучовиц қаласының әкімі Ян Кубикпен кездесті, сондай-ақ Қазақстанның инвестициялық, экспорттық, сауда-экономикалық әлеуетінің таныстырылымын өткізді.
Дипломат «Koх-и-Нор» белгілі компанияның қаламсап және кеңсе тауарларын өндіру зауыттарын, автокөлік компоненттерін өндіруші-зауыт MAGNA және Jihostroj құрылыс материалдарын өндіру зауытында болды.
Ескертпе: Оңтүстік-Чехия өлкесі – аграрлық облыс, ауыл шаруашылық, балық және орман шаруашылығы экономика негізін қалыптастырады . Ауыл шаруашылық кәсіпорындарының өлкедегі үлесі Чех Республикасының жалпы өндірістік 11% құрайды. Ауыл шаруашылығында, жарма, жемшөп дақылдары мен картоп өсіру ерекше орын алуда. Мал шаруашылығында, ірі қара өсіру жақсы дамыған. Оңтүстік-Чехия өлкесінде жалпы балық шаруашылығының жартысы – шамамен 7000 тоғандар 30000 гектардан астам ауданда орналасқан.
Сондай-ақ, өлкеде машина жасау, көлік саласы, азық-түлік, киім-кешек және құрылыс салалары дамыған. Өлкенің жалпы көлеміндегі өнеркәсіп өндірісінің үлесі Чех Республикасының 5% құрайды. Сонымен қатар, өлкеде Темелин атом электростанциясы орналасқан.