Қазақстан Республикасы Премьер-Министрінің Кеңсесінде Қазақстан Республикасы Президентінің «Қазақстанның үшінші жаңғыруы: жаһандық бәсекеге қабілеттілік» Жолауына арналған брифинг өтті. Қазақстан Республикасының Мәдениет және спорт вице-министрі Ақтоты Райымқұлова Жолдауды жүзеге асыру бойынша ведомстваның жоспарлары туралы баяндады.
Өз сөзінде ведомство өкілі Қазақстан Республикасы Президенті Нұрсұлтан Назарбаев өз Жолдауында экономикалық өсімнің жаңа үлгісін қалыптастыру мен елдің жаһандық бәсекеге қабілеттілігін қамтамасыз етудің нақты бағыттарын айқындады.
Ақтоты Райымқұловаайтып кеткендей, «Қазақстанның үшінші жаңғыруы: жаһандық бәсекеге қабілеттілік» Жолдауының негізгі басымдылықтарының бірі адами капитал сапасын жақсарту болып табылады.
«Білім беру жүйесін өзгертумен қатар қазақстандықтардың жаңа буынын тәрбиелеуге, кадрларды кәсіби даярлаудың маңызын күшейту, үш тілде білім беру саясатын одан әрі жалғастыру мәселелеріне ерекше назар аударылады», – деп хабарлады вице-министр.
А. Райымқұлованың берген ақпараты бойынша берілген басымдылықтар аясында Министрлік мәдени саясат, дене шынықтыру және спорт саласын дамыту бойынша тұжырымдамаларды, Қазақстан Республикасында тілдерді дамыту мен қолданудың 2011 – 2020 жылдарға арналған мемлекеттік бағдарламасын жемісті жүзеге асырып келеді.
«Министрлікке туризм функциялары берілгеннен кейін еліміздің туристік-мәдени кластерлердің туристік жағынан тартылымдылығын арттыру, негізгі туристік жобаларды құру және оларды брендтау бойынша жұмыс белсендіріле түсті. Аталмыш жұмыс алдағы ЭКСПО-2017 аясында бүкілқазақстандық мәдениетті таныстыру және 28 Бүкіләлемдік қысқы Универсиададағы жоғары жетістіктер аясында аса өзекті болып табылады», – деп қосты А. Райымқұлова.
Жуырда Алматы қаласында аяқталған Универсиаданың қорытындылары туралы ҚР МСМ Спорт және дене шынықтыру істері комитетінің төрағасы Елсияр Қанағатов баяндады: «Әрбір халыаралық доданың алдын спортшыларымыздың алдына өткен ойындардың нәтижелерін жақсарту бойынша міндет қойылады. Бұл Универсиада да спортшыларымызға үлкен міндеттер артылды. Испанияның Гранадасында өткен қысқы Универсиадада құрама командамыз бес алтын және алты күміс жүлде жеңіп алып, жалпыкомандалық есепте үшінші орынға табан тіреді. Төл Универсиадамызда спортшыларымыз өз көрсеткіштерін әлдеқайда жақсартты».
Еске салып кетсек, биылғы студенттердің дүниежүзілік ойындарының қорытындысы бойынша Қазақстан құрамасы жалпыкомандалық есепте екінші орынға табан тіреді. Бірінші орынды түрлі деңгейдегі 70 жүлде (29 алтын, 27 күміс, 15 қола) жеңіп алған Ресей Федерациясы иеленді. 11 алтын, 5 күміс және 5 қола жүлде жеңіп алған Корея Республикасының спортшылары 3-ші орыннан көрінді.
Сонымен қатар брифингке Қазақстан Республикасының Халық әртісі, Еңбек Ері, Қазақ ұлттық өнер университетінің ректорыАйман Мұсақожаева,шаңғы спринтінде алтын жүлде иегері Иван Люфт, Универсиада-2017 бір алтын, бір күміс және үш қола жүлдемен ерекшеленген Анна Шевченко, аралас командалық спринтте алтын жүлде иегері Олжас Климин және Қазақстан Республикасы Ұлттық құрамасының шаңғы жарысы бойынша мемлекеттік жаттықтырушысы Алексей Ткачук қатысты.
ҚР МСМ Баспасөзқызметі