“АНА МЕН БАЛА” форумы
Бүгін Денсаулық сақтау министрі Ажар Ғиният өзінің жұмысын Алматыда бастаған “Ана мен бала” III Халықаралық форумының қатысушыларына арнаған сөзінде ҚР Денсаулық сақтау министрлігі ана мен бала өлімін азайту үшін бірқатар жүйелі шаралар қабылданғанын хабарлады.
“Бұл форумды өткізудің өзіндік символдық мәні бар, өйткені 2022 жылды Мемлекет басшысы Қасым-Жомарт Тоқаев Балалар жылы деп жариялаған болатын, онда ол баланың әл – ауқаты Қазақстанның табысты болашағының сенімді кепілі екенін атап өтті”, – деді А.Ғиният.
Ол дені сау ананың дені сау баланы көтеріп, босануға қабілетті екенін, сондықтан әйелдің денсаулығы медициналық көмек көрсетудің орталық нысаны болуы керек екенін атап өтті. Жүктілікке дейін, жүктілік арасында әйелдердің денсаулығын жақсарту, қауіпсіз жүктілікті қамтамасыз ету, босану кезінде көмек көрсету сапасын жетілдіру және балаларға ең жақсы жағдайларда өмір бастауын қамтамасыз ету қажет.
Министрдің айтуынша, аналар мен балаларға көрсетілетін медициналық көмекті жақсарту үшін ҚР-да пренаталдық УДЗ скринингін жүргізуді ұйымдастыру стандарты әзірленді, халықаралық сертификат ала отырып, УДЗ диагностикасы бойынша 100-ден астам дәрігер оқытылды, сараптамалық кластағы 60 УДЗ аппараты сатып алынды, сондай-ақ еліміздің 17 өңірінде перинаталдық орталықтар базасында “Құрсақтағы сәбиді қорғау орталықтары” ұйымдастырылды, пренаталдық УДЗ скринингін жүргізу қағидалары қайта қаралды. ҚР скрининг, катамнез кабинеттерінде шала туған нәрестелерге медициналық көмек көрсету тәртібі жетілдірілуде, ДДҰ ұсынымдарын ескере отырып, жүкті әйелдер мен COVID-19 бар балаларды жүргізу жөніндегі клиникалық хаттамалар қайта қаралып, бекітілді.
Денсаулық сақтау министрлігі жаңа туған нәрестелер мен ерте жастағы балалардың аудиологиялық және офтальмологиялық скринингін жүргізу үшін босандыру ұйымдары мен МСАК-ты қажетті жабдықпен қамтамасыз ету бойынша жұмыс жүргізуде, “Қамқорлық” бастамасының ІІ кезеңін іске асыру шеңберінде ел өңірлерінде 19 ерте араласу орталығы және 8 оңалту орталығы ашылды.
Денсаулық сақтау министрлігінің басшысы медициналық қызметкерлерге консультациялық – әдіснамалық көмек көрсету мақсатында медициналық ұйымдарға мониторингтік сапарлар тұрақты негізде жүзеге асырылатын ауылдық шалғай аудандарда осы контингенттің патронажын күшейтуге назар аударды.