Ақмарал Бекмұрзаева: «Бұл масқара – батыс мәдениетінің ең жағымсыз көрінісі болды!»
Батыстық бағыт пен радикалды феминизм қазақ дәстүрі және құндылықтарымен тіл табыса алмайды. Сол себепті біздің қоғам бұндай өзгерістер мен батыстық бағытқа ден қоюға дайын емес.
Күні кеше Алматыда өткен марш біздің бағзы заманнан бері сақталып, қаймағы бұзылмай келе жатқан дәстүрлер мен құндылықтарымызға қайшы келеді. Оқиға көптеген қазақстандықтардың ызасын келтіріп, сұрақтарын тудырды.
«Бұл масқара – батыс мәдениетінің ең жағымсыз көрінісі болды! Біздің қоғамдағы әйел жынысына қатысты мәселені өткір деп айту қиын. Иә, тұрмыстық зорлық-зомбылық фактілері бар! Иә, кейбір жағдайларда жынысы бойынша кемсіту болуы мүмкін! Бірақ тұтастай алғанда, бүгінгі күні әйелдердің құқықтары мен бостандықтары шектелмейді. Нәзік жандар экономиканың, саясаттың, мәдениеттің және спорттың барлық әлеуметтік салаларында бой көрсетуде. ҚР Конституциясы барлық азаматтарға жынысына, нәсіліне, ұлтына, діни көзқарасына қарамастан тең құқықтар береді», – деді «ADAL» партиясының өкілі Ақмарал Бекмурзаева.
Сонымен қатар ол, қазіргі таңда «ADAL» партиясы өзінің сайлауалды бағдарламасында көрсеткендей ауыл әйелдерінің біліктілігін арттырып, табыс көздерін ұлғайту жұмыстарын жалғастыратынын жеткізді.