А.Цой 2021-2025 жылдары МСАК сапасын жақсартуға арналған іс-шаралар жоспарын таныстырды
Денсаулық сақтау министрлігінің алдында маңызды бес міндет тұр: халыққа жаппай медициналық қызмет көрсету жәнеазаматтарды сапалы, қолжетімді әрі қауіпсіз дәрі-дәрмек, вакцинамен қамтамасыз ету.
Осы мақсатта министрлік 2021-2025 жылдарға арналған МСАК сапасын жақсарту жөніндегі іс-шаралар жоспарын бекітті. Бұл туралы бүгін ҚР Премьер-министрі Асқар Маминнің төрағалығымен өткен Үкімет отырысында ведомство басшысы Алексей Цой айтты.
Бірінші кезекте өңірлерде үздік орталықтарды дамыту, Check-Up сияқты профилактиканың жаңа тәсілдерін енгізу, пациентке ыңғайлы дербес медицина құру, жаңа нозологияларды және тәуелсіз мейіргерлік практиканы енгізу арқылы ауруларды басқару бағдарламасын кеңейту есебінен МСАК қолжетімділігі мен көлемін арттыру жоспарлануда.Ал ауыл тұрғындарыжылжымалы дәріханапунктері арқылы дәрі-дәрмекпен, диагностикалық қызметтері бар жылжымалы медициналық кешен мен мамандар тарту арқылы медициналық көмекпен қамтамасыз етіледі. Ауылдардағы медициналық объектілер медициналық жабдықпен толық жабдықталады деп жоспарлануда.
Екінші кезекте МСАК ұйымдарының инфрақұрылымын дамыту және қосымша жабдықтар орнату жоспарлануда. Мәселен, 50 адам тұратын елді мекендерге медицина қызметкерін бөлу, 300 адамы бар ауылда медициналық пункт ашу, 300-ден астам тұрғыны бар жергефельдшерлік-акушерлік пункт ашу көзделіп отыр. 2020–2025 жылдарға арналған мемлекеттік денсаулық сақтауды дамыту бағдарламасы және «Ауыл-Ел бесігі» бағдарламасы аясында 487-ден астам жаңа МСАК объектін салу жоспарланған, яғни шамамен қосымша 270 жұмыс орны ашылады.
Үшінші міндет-медицина қызметкерлерінің жалақысын көтеру және мамандардың біліктілігін арттырып, денсаулық сақтау саласындағы кадрлық әлеуетті дамыту. 2021 жылы 11 мыңнан астам маманды, оның ішінде 35-ін шетелде оқыту жоспарлануда. Биыл 5 мыңнан астам адам медициналық жоғары оқу орнын тәмамдайды, шамамен 3 мыңы МСАК ұйымдарына жұмысқа жіберіледі.
«Бүгінде елімізге 2540 МСАК дәрігері қажет, ал ауылға 848 дәрігер керек. Әлеуметтік қолдауды дұрыс ұйымдастыру арқылы кадрларды жергілікті жерлерге жіберіп, маман тапшылығын шешуге болады», – деді А.Цой.
Төртінші міндет аясында МСАК-ты интернетпен қамтамасыз ету, медициналық ақпараттық жүйелерді интеграциялау және ақпараттық-технологиялық шешімдерді дамыту саласында цифрландыру бойынша жұмыс жалғасады. Бесінші міндет бойынша кешенді жан басына шаққандағы норматив пен медициналық қызметтерге тарифтерді арттыру жолымен 2025 жылға қарай амбулаториялық-емханалық көмекті қаржыландыру деңгейін 60% дейін жеткізу жоспарлануда.
«Құрметті Асқар Ұзақбайұлы, МСАК-ты жақсарту жөніндегі шараларды іске асыру ведомствоаралық өзара іс-қимылға байланысты. Ауылдағы денсаулық сақтау саласын жақсарту және кадрмен қамтамасыз ету үшін жергілікті атқарушы органдар жас мамандарға әлеуметтік жәрдемақы, тұрғын үй, коммуналдық қызметтер ұсыну керек, сондай-ақ өңірлердегі дәрігер тапшылығын жою үшін маман даярлау ісін қаржыландырса»,-деді А.Цой Премьер-министрге.
Мемлекеттік және жергілікті атқарушы органдар амбулаториялық-емханалық көмек объектілерін салу, медициналық жабдықпен жарақтандыру, сондай-ақ денсаулық сақтау ұйымдарының медициналық ақпараттық жүйелерін Денсаулық сақтау министрлігінің ақпараттық жүйелерімен интеграциялап және цифрландыру процестерін аяқтауға да көмектесе алады.