ҰЛТТЫҚ ПАЛАТАДА ТҰРАҚТЫЛЫ ДАМУ ЖӘНЕ ESG КЕҢЕСІ ҚҰРЫЛДЫ
02 желтоқсан 2023 жыл
«Атамекен» Қазақстан Республикасы Ұлттық кәсіпкерлер палатасының Басқарма Төрағасы Райымбек Баталов БҰҰ-ның Климаттың өзгеруі жөніндегі негіздемелік конвенциясы тараптарының 28-ші халықаралық конференциясына қатысты.
30 қараша мен 12 желтоқсан аралығында БАӘ, Дубай қаласында Біріккен Ұлттар Ұйымының Климаттың өзгеруі жөніндегі негіздемелік конвенциясына қатысушылардың 28-ші конференциясы өтуде. Халықаралық конференция Париж келісіміне қатысушы 200-ге жуық мемлекетті біріктіреді.
1 желтоқсанда Орталық Азия павильонының ресми ашылуы болып, Қазақстанның төмен көміртекті даму әлеуетіне арналған бірінші панельдік сессия өтті.
Іс-шараға «Атамекен» Қазақстан Республикасы Ұлттық кәсіпкерлер палатасының Басқарма төрағасы Райымбек Баталов қатысты. Ол Қазақстанның тұрақты дамуға және «жасыл» бизнес жобаларын жүзеге асыруға ұмтылуының маңыздылығын атап өтті.
«Біз жасыл көшу, тұрақты даму мақсаттарына қол жеткізу және тиісті технологияларды енгізу мәселелерінің климаттық күн тәртібінен әлдеқашан асып кеткенін түсінеміз. Қазірдің өзінде олар инвестиция және халықаралық сауда, елдердің, қалалардың экономикаларының құрылымын кешенді қайта құру және өңірлерді дамыту мәселелерімен тығыз байланысты», – деді Райымбек Баталов.
Ол сондай-ақ көміртегі бейтараптығына қол жеткізу мақсаттары ауқымды салалық заңнамалық өзгерістер мен мемлекеттік қолдау шараларын енгізуді талап ететінін атап өтті және «Атамекен» Ұлттық палатасының заңнамалық және нормативтік-құқықтық базаны жетілдіруге көмектесуге дайын екенін атап өтті.
Төралқа төрағасы көміртегі жобаларына ерекше назар аударды.
«Біз көміртекті секвестрлеу жобалары, соның ішінде тұрақты орман өсіру және тұрақты ауыл шаруашылығы қазіргі уақытта бағаланбайды деп есептейміз. Сонымен қатар, Қазақстанның әлемдегі тоғызыншы ірі мемлекет бола отырып, көміртегі шаруашылығы жобаларын дамытудың орасан зор әлеуеті бар», – деп қосты Ұлттық палата басшысы.
COP 28 халықаралық конференциясында Райымбек Баталов Ұлттық палатада қазіргі уақытта 50-ден астам негізгі экономикалық ойыншыларды қамтитын Тұрақты даму және ESG жөніндегі кеңестің құрылғанын ресми түрде жариялады.
«Кеңес тұрақты күн тәртібі аясында еліміздің міндеттемелерін орындау бойынша одан әрі шешімдерді әзірлеу үшін келіссөздер алаңы болады. Сондай-ақ, Кеңес жұмысы аясында табысты тәжірибені қайталау және «жасыл» және тұрақты жобалар нарығын дамытуға жәрдемдесу мәселелері пысықталатын болады», – деді Баталов.
Тұрақты даму және ESG кеңесін Юлия Якупбаева басқарды, ол да ресми делегация құрамында COP 28 конференциясына қатысты.